ENTREGA DE PREMIOS

O xoves, día 1, tivo lugar na biblioteca a entrega de premios do Certame literario do día das Letras Galegas que promove a ANPA e o equipo de Normalización Lingüística do noso centro. Ademais entregáronse uns lotes de libros a todos aqueles que participaron na resolución de preguntas sobre Carlos Casares.

Este mesmo día entregáronse os premios do Concurso de Reciclado:

Noraboa a todos!!!

Carlos Casares

Este ano Carlos Casares estivo máis presente nos centros e nas bibliotecas  e iso é o realmente importante , dos escritores interésanos  a súa obra  e Carlos Casares ten unha obra extensa e para todas as idades, no noso cole tamén lle prestamos especial atención e desenvolvemos moitas actividades esta semana e ademais compramos  para a biblioteca as súas obras para que sempre estean a disposición dos lectores interesados .
No seguinte vídeo podedes escoitar rapaces de 1º e 4º de ESO lendo en francés e en galego , partindo da tradución de Carlos Casares a pasaxe onde o aviador se atopa co Principiño e debe debuxarlle un  año.





Tamén podedes escoitar o relato " A rapaza do circo " de Vento Ferido na voz de Lorrane, Paula, Germán e Sara

Audio

 Estes rapaces opinan tamén sobre: As laranxas máis laranxas de todas as laranxas e O galo de Antioquía



AUDIO

Os alumnos de 1º de Primaria e a súa mestra Concha  ofrecenos esta fermosa versión do conto   A galiña azul
Podedes escoitala AQUÍ

Tamén podedes escoitar este fermoso fado de María do Ceo  adicado a Carlos Casares

MERCADIÑO LITERARIO

Co gallo da celebración do Día do libro o 23 de Abril, dende o equipo de biblioteca organizamos un mercadiño literario. O alumnado interesado en participar, trouxo da casa libros usados aos que lle quería dar unha nova oportunidade de ser disfrutados polos seus compañeiros. 

READING TROLLEY

Esta semana está adicada ao día do libro, por iso o equipo de biblioteca xunto coa teacher Ángeles decidimos facer algo distinto e fomentar o uso da lectura en inglés. Fixemos un carriño (trolley) con libros en inglés que paseará polas aulas de primaria, todos os mércores, xoves e venres, para que @s nen@s teñan un sistema de préstamo distinto ao que fan normalmente e tamén disfruten da hora de ler.

Darío Xohán Cabana

Hoxe acompañounos Darío Xohán Cabana .

  Foi moi xeneroso, pasou tada a mañá con nós  e  contestou todas as preguntas que lle fixemos.

 Aprendemos sobre  a  súa tradución ao galego de

A Divina Comedia  a mellor tradución que existe  
sobre esta obra .

 Falounos tamén de Dumas e da obra 
Os tres Mosqueteros  que tamén traduciu 
el ao galego. Relatounos  con paixón a morte de Portos, 
e de paso soubemos que os escritores se emocionan 
coas súas obras e poden chegar a chorar cando un 
dos seus personaxes morre aínda que  sexan personaxes de ficción.

Das suas obras: Galván en Saor, Morte de rei,
O cervo na torre, Vidas senlleiras. comentou
 aspectos interesantes que descoñeciamos.

Confesounos que lle encantaría que de algunha das súas novelas se fixese unha película.

Xa sabiamos da amizade e da importancia na súa vida 
de dous grandes mestres, Manuel María e 
Xosé María Alvarez Blazquez dos que destacou por enriba de todo as súas cualidades humanas.

E fíxonos pensar sobre a importancia de falar a nosa lingua e de tratar de conservala , aprendemos que 
 O FUTURO DA LINGUA DEPENDE DE NÓS !

Grazas ao profesor Iago Rodríguez Yañez por  acercarnos este escritor  tan interesante.

2 DE ABRIL

O día 2 de abril celebramos o Día Internacional do Libro Infantil e Xuvenil.

Nesta ocasión, a sección de Ibby de Rusia foi a encargada da elaboración deste cartel. O texto, do escritor ruso Sergey Makhotin fala da importancia do libro como acompañante imprescindible no proceso de maduración persoal ao longo da vida, e do pracer que o libro e a lectura proporcionan. O debuxante e ilustrador Mikhail Fedorov pon a imaxe a este cartel que se difunde xunto co texto nas catro linguas do estado. Tamén está accesibe en inglés e ruso a través da páxina de Ibby.
Clica na imaxe e poderás ler mais sobre este escritor ruso e o seu texto:

21 DE MARZO

Hoxe celebramos o Día Mundial da Poesía e tamén a chegada da primavera. Que mellor forma de celebrar estos dous días que lendo un poema moi coñecido de Gloria Fortes, "A la prima, primavera".

DÍA DA MULLER TRABALLADORA

O día 8 de marzo é o Día da muller traballadora. Os nenos e nenas de 2º de primaria quixeron amosar os debuxos que fixeron para recordar a unha desas mulleres: Maruja Mallo, e aquí temos o resultado da súa exposición:

DÍA DE ROSALÍA

O día 24 de febreiro celebramos o Día de Rosalía de Castro.Neste día recordamos a esta importante muller galega e a súa obra.

Fixéronse distintas actividades, os nenos e nenas de 3º escribiron e ilustraron poemas de Rosalía que despois se expuxeron na biblioteca.

PHOTOCALL DE ENTROIDO

O equipo de biblioteca non para de argallar cousas chulísimas para a biblioteca. Nesta ocasión, coa axuda de distintos nenos e nenas, prepararon un Photocall para quen quixera se fixese unhas fotos do máis divertidas.
Aquí temos ao alumnado de 3º e tamén as profes facendo das súas!!!

TDAH

PAZ

Co gallo da celebración do día da PAZ, o alumnado do colexio decorou a nosa biblioteca e disfrutou coa lectura dos libros seleccionados para tal ocasión.

ENTREGA DE PREMIOS

Con motivo da entrega de premios do XV Concurso de debuxo de Medio Ambiente convocado por A.M.A. e a entrega do premio á mellor postal de Nadal convocado polo Equipo de Normalización Lingüística do noso Centro, reunímonos na biblioteca.
Aquí tedes as fotos da entrega:

E a postal de Lucas López Caaveiro de 6º de primaria.

NORABOA A TODOS E A TODAS!

NESTE NADAL...

Neste Nadal non nos podemos esquencer dos libros... Que mellor momento para disfrutar da maxia da lectura!

                                                         Ilustración de Axel Schleffer.

                                                         Ilustración de Sarah Wilkins.

CHEGOU O NADAL Á BIBLIOTECA

O Equipo da Biblioteca non para de traballar. Mirade que fermosa árbore e que simpático reno nos reciben na porta!

Leonard Cohen

Hoxe queremos  sumarnos a todas as persoas que senten a morte de Leonard Cohen  escoitando unha das ssúas fermosas cancións







Grazas por todo o que nos deixas!

BOB DYLAN PREMIO NOBEL DE LITERATURA

 Moitos parabéns a Bob Dylan  polo seu premio nada menos que o Premio Nobel!
 Outorgáronllo por ser quen de  crear unha expresión poética dentro da gran tradición americana da canción

Bob Dylan é ademais dun gran poeta, un gran lector . El mesmo confesou que antes de compoñer as súas cancións xa lera moitos libros de poesía.  

 Aproveitade estes días para escoitar algunha das súas cancións . Nós no blog deixamos unha das máis coñecidas.

ROALD DAHL

 Este curso conmemórase o  centenario do nacemento de Roald  Dahl.

Sabemos que é un dos vosos escritores favoritos, que vos parece se vos pasades pola biblioteca e ledes algún libro del !!

 Nesta presentación de  Ana Nebreda Domínguez de Biblioabrazo atoparedes unha breve información da súa obra 

100 años con Roald Dahl from Biblioabrazo
Se queredes máis información lede este artigo tamén de Ana.

Seguro que vos encantará convertervos en booktubers e  comentar  un libro  ata podedes participar nun concurso . 

 

 Para  os profes  unha  ligazón moi interesante con moitas actividades.
 Axudádesnos a completar un mural: debuxade un personaxe ou unha escena que vos gustase. Traédenos fotos , e elaborade unha pequena biografía . 
 E se en cada clase creamos un club para comentar unha lectura? 

Profes,  nesta ligazón   de actividades propostas para as bibliotecas municipais de Barcelona hai ideas moi interesantes .

Tamén  debedes ter en conta a información deste traballo da biblioteca escolar do CPI Alcalde Xosé Pichel (Coristanco)

Roald Dahl

Publish at Calameo

Nesta páxina tamén se atopacan moitos recursos

Nest artigo publicado en Imaginaria aparece unha boa análise de As Bruxas , se se quere profundizar

BIBLIOTECAS ESCOLARES 2016/17

"Biblioteca escolar - Territorio das Artes" é o lema escollido para os materiais que a Consellería de Cultura, Educación e Ordenación Universitaria edita a comezo do curso 2016/2017 con destino ás bibliotecas escolares dos centros educativos galegos. 

Nesta ocasión foi MINIA REGOS a creadora convidada a interpretar o lema anual. A imaxe garda moitas sorpresas para as lectoras e os lectores; propón un xogo de exploración e aventura por este "territorio" complexo e engaiolante que é toda biblioteca escolar.

BENVIDOS A TODOS E A TODAS!!!