COMPARTIR LECTURAS

O MELLOR AGASALLO: Compartir a lectura dun libro
Estimados pais e nais:
Gustaríanos que neste Nadal compartísedes a lectura dalgún libro cos vosos fillos e fillas. Este ano poderiades ser vós os que pedísedes a Papá Nöel ou aos Reis Magos un libro que servise tanto para vós coma para eles. Non lles regaledes o libro só a eles, regaládevolo a vós mesmos e, por favor, non opoñades os libros ás cousas que eles piden, o libro sempre á parte. Tédelles libros, lédeos e compartídeos con eles: ese será un regalo para a vida. Acercádelles ese mundo, pero acercádevos primeiro vós. A mellor maneira de contaxiar o gusto pola lectura é este. Todos sairedes gañando. Sabemos que moitos o facedes, pero gustaríanos que ocorrese en tódalas casas. Ímosvos propoñer nós algunhas lecturas.

A PARTIR DE TRES ANOS:
Contos de Andersen.Edicións Xerais Está a saír unha colección de vídeos dos contos de Andersen con El País os domingos. Mirade algún con eles e despois lédelles o conto, que vos vexan os outros días lendo. Espertade a súa curiosidade contándolles algo do que pase….
PEQUECHOS. Factoría K de Libros. Xogade con eles ás adiviñas. É unha colección preciosa que nos descobre os animais: vaivos sorprender!
Os bolechas queren saber como nace un neno. (A Nosa Terra) Un libro precioso como tódolos de Pepe Carreiro, que explica con moita sensibilidade o misterio do nacemento dun neno.

A PARTIR DE OITO ANOS:
A Odisea Edit. Rodeira. Libro precioso para inicialos na mitoloxía.
O Estanque dos parrulos pobres. Ed. Edebé. Unha relación entre un avó e a súa neta chea de ternura. Non pararedes de rir.
Camuflaxe animal, Terras polares…Baía Edicións .Investigar, aprender, xogar…

A PARTIR DE DOCE ANOS:
John Boyne. O neno do pixama a raias. Editorial narrativa K. Estou segura de que moitos o lestes pero, se non foi así, non o perdades.
Philip Pullman. A aurora boreal. Factoría K de libros. ¿Por que non acompañalos a ver a película La brújula dorada, e despois compartir a lectura do libro no que está inspirada.
Cornelia Funke. Corazón de Tinta, Edit. Siruela. Non debera de faltar en ningunha casa.
Mark Haddon. El curioso incidente de un perro a medianoche. Ed. Quinteto.

Ata o 2008 e boas festas!

CINENSINO

Hai uns días fomos ó cine Alovi cos de primeiro ver unha película . ¿Contámola?

Trataba dun xoven espía que quere vingar o asasinato do seu tío . Para iso faise pasar por especialista informático, despois de prepararse a fondo para esta misión nunha base militar.
Vai en busca dun virus xenético e poder eliminar xente, debido ás frustracións infantís do malo.

RECAPACITEMOS....


Volveremos pronto ao cine. Un saúdo dende o noso obradoiro.

25 de Novembro: Día Internacional contra a Violencia de Xénero

Cada ano morren, só en España, case unha centena de mulleres a máns dos seus maridos, mozos, ex-parellas, etc.


Cando se parará esa escalada machista de considerar á muller como una posesión. ("La maté porque era mía"?????).
Se non hai igualdade non hai liberdade.

XENIO E FIGURA

A PELÍCULA

Fomos ver unha película os de primeiro e segundo da ESO.

Trataba dun espía de catorce anos que se infiltraba nun sitio onde estaban a fabricar ordenadores con virus de alta contaminación. O neno impediu esa contaminación disparando ao botón vermello, pero eso non impediu co malvado escapou e puido activar o virus,pero hubo un erro de sistema grazas o neno.

Teatro de Inglés

Fomos a Ferrol ver unha obra de teatro en Inglés e Castelán:
Trataba dun neno que tiña que ir vivir a Inglaterra, pero el non sabía falar inglés. Namorou dunha rapaza e, para poder falar con ela, aprendeu o inglés.


Alumn@s do Obradoiro.-

A ortografía dos sms

Esto pásanos a moitos cando lemos algunha das mensaxes sms:

Biblioteca NOSA

Ter un colexio cunha boa biblioteca é fundamental para tódolos nenos e nenas, sobre todo ós que veñen do estranxeiro, doutro país. Penso que é unha gran axuda para mellorar a lectura, aprender máis vocabulario de todos os temas. A nosa biblioteca é unha gran afición de todos os alumn@s: destaca principalmente pola gran variedade de libros de todo tipo, por exemplo de cómic, poesía,...
Ademáis é unha aula moi acolledora polo seu espazo e a súa amplitude.

Amady -2B

Súper Xosé Miranda

Cando Xosé Miranda visitou o noso colexio contounos moitos contos, todos moi graciosos: ata fixo rir ós profes máis serios. Contounos contos coma Os tres pelos do demo, outro que trataba dun raposo e un home...

Ó remate da sesión asinou libros a moitos nenos e tamén, o experto en lendas, deixounos o seu recordo no Libro de Visitas Ilustres.